གཙོ་ངོས།>> སི་ཁྲོན་བོད་ཁུལ།>>དཀར་མཛེས།

ཏིང་འཛིན་བཀྲ་ཤིས་ཀྱིས་བསྒྱུར། རྩོམ་སྒྲིག་པ།ཏིང་འཛིན་བཀྲ་ཤིས།ཡོང་ཁུངས། ངེད་དྲ་བ། སྤེལ་དུས། ༢༠༡༥ལོའི་ཟླ་བ་༠༢ཚེས་༠༢ཉིན།

དཀར་མཛེས་ཁུལ་ཉག་ཆུ་རྫོང་རྫོང་ཨུའི་དྲིལ་བསྒྲགས་པུའུ་ཡི་པུའུ་ཀྲང་ཐང་ཧྲི་ཅའོ་མེ་སྐྱོན་བཀག་ནས་ཕྱིར་ལོག་པའི་ལམ་བར་དུ་རླངས་འཁོར་དོན་རྐྱེན་བྱུང་ནས་གཞུང་དོན་དུ་སྐུ་གཤེགས།

དཀར་མཛེས་ཁུལ་ཉག་ཆུ་རྫོང་རྫོང་ཨུའི་དྲིལ་བསྒྲགས་པུའུ་ཡི་པུའུ་ཀྲང་ཐང་ཧྲི་ཅའོ།

           སྤྱི་ཟླ་1པོའི་ཚེས་31ཉིན་གྱི་དགོང་མོར། དཀར་མཛེས་ཁུལ་ཉག་ཆུ་རྫོང་རྫོང་ཨུའི་དྲིལ་བསྒྲགས་པུའུ་ཡི་པུའུ་ཀྲང་ཐང་ཧྲི་ཅའོ་དང་། ནགས་དོན་ཉེན་རྟོག་པ་ཉག་ཆུ་རུ་ཆེན་གྱི་ལྡིང་དཔོན་ཞུས་ཧྭ་རྣམ་གཉིས་ཀྱིས་ཉག་ཆུ་རྫོང་མིག་ནོར་ཡུལ་ཤོག་ཏུ་རི་མེ་ཤོར་བའི་གནོད་འཚེ་བཀག་ནས་ཕྱིར་རྫོང་ཐོག་ཏུ་ལོག་པའི་ལམ་བར་དུ་སྟབས་མ་ལེགས་པར་རླངས་འཁོར་དོན་རྐྱེན་བྱུང་ནས་གཞུང་དོན་དུ་སྐུ་གཤེགས་ཤིང་། རླངས་འཁོར་ནང་ཡོད་པའི་མི་གཞན་5པོར་རྨས་སྐྱོན་ཕོག་ཡོད།

         སྤྱི་ཟླ་1པོའི་ཚེས་29ཉིན་གྱི་དགོང་མོར། ཉག་ཆུ་རྫོང་ཐོག་དང་བར་ཐག་སྤྱི་ལེ་35ཡི་མཚམས་ཀྱི་མིག་ནོར་ཡུལ་ཤོག་གི་ཁོངས་སུ་གློ་བུར་དུ་ནགས་ཚལ་མེ་སྐྱོན་ཤོར་ཞིང་། མེ་སྐྱོན་བྱུང་ཡུལ་གྱི་མཚོ་འཕགས་སྨི་2930ཡིན།  ནགས་ཚལ་གྱི་མེ་ལྕེ་མགྱོགས་པོར་ཉེ་འགྲམ་གྱི་གྲོང་སྡེ་དང་ཐག་ཉེ་ས་རུ་མཆེད་པས། མང་ཚོགས་ཀྱི་བདེ་འཇགས་ལ་འགན་སྲུང་བྱ་ཆེད། ས་གནས་སྲིད་གཞུང་གིས་གྲོང་སྡེའི་ཁྱིམ་ཚང་20ཡི་སྡེ་དམངས་མི་གྲངས་114ལ་བཀོད་འདོམས་བྱས་ཏེ་ཉེན་གཡོལ་བྱས་ཡོད། །

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1