གཙོ་ངོས།>> གསར་འགྱུར།>>རྒྱལ་སྤྱི་གསར་འགྱུར།

རྩོམ་སྒྲིག་པ།ཚེ་དཔལ། ཡོང་ཁུངས།མི་དམངས་དྲ་བ། སྤེལ་དུས། ༢༠༢༠ལོའི་ཟླ་བ་༠༤ཚེས་༢༠ཉིན།

ལྷོ་ཨ་ཧྥེ་རི་ཁས་ཀྲུང་གོས་རོགས་སྐྱོར་བྱས་པའི་ རིམས་འགོག་དངོས་ཟོག་དང་ལེན་བྱས་པ།


ཀྲུང་གོའི་རོགས་རམ་ལ་ཐུགས་རྗེ་ཆེ་ཞུས་པ།
     ཤིན་ཧྭ་གསར་འགྱུར་ཁང་གྲོང་ཁྱེར་གཡོད་ཧན་ནེ་སི་པའོ་ནས་ཟླ་4ཚེས་14ཉིན་གློག་འཕྲིན་འབྱོར་པ་གཞིར་བཟུང་། ཚེས་14ཉིན་ཀྲུང་གོས་ལྷོ་ཨ་ཧྥེ་རི་ཁར་རོགས་སྐྱོར་བྱས་པའི་སྨན་བཅོས་དངོས་ཟོག་རྩིས་སྤྲོད་རྩིས་ལེན་གྱི་མཛད་སྒོ་གཡོད་ཧན་ནེ་སི་པའོ་ཡི་ཨའོ་ཐན་པོ་རྒྱལ་སྤྱིའི་གནམ་ཐང་དུ་འཚོགས་ཤིང་། ལྷོ་ཨ་ཧྥེ་རི་ཁའི་སྲིད་གཞུང་གི་དཔོན་རིགས་ཀྱིས་ཀྲུང་གོ་སྲིད་གཞུང་དང་མི་དམངས་ཀྱིས་ལྷོ་ཨ་ཧྥེ་རི་ཁར་རིམས་འགོག་གི་འགག་རྩའི་དུས་སུ་རྩ་ཆེའི་རྒྱབ་སྐྱོར་དང་རོགས་སྐྱོབ་བྱས་པར་ཚད་མཐོའི་བསྔགས་བརྗོད་དང་སེམས་དབུས་ནས་ཐུགས་རྗེ་ཆེ་ཞུས་པ་རེད།
     ལྷོ་ཨ་ཧྥེ་རི་ཁའི་རྒྱལ་སྤྱིའི་འབྲེལ་བ་དང་མཉམ་ལས་པུའུ་ཀྲང་ན་ལའེ་ཏི·ཧེན་ཏོའར་གྱིས་མཛད་སྒོའི་ཐོག་2014ལོར་ཨ་ཧྥེ་རི་ཁར་ཨེ་པོ་ལ་རིམས་ནད་ཐོན་རྗེས་ཀྲུང་གོས་སྔོན་ལ་རོགས་སྐྱོར་བྱས་པ་དེ་ཐོག་ནས་ལྷག་བསམ་ཟོལ་མེད་ཀྱི་འདུ་ཤེས་དང་རྒྱལ་ཁབ་ཆེ་མོའི་འགན་འཁྲི་ཁུར་སེམས་དངོས་འབྲེལ་མཚོན་ཡོད། ད་ཆ་ཀྲུང་གོས་སྔར་རྒྱུན་བཞིན་ལྷོ་ཨ་ཧྥེ་རི་ཁ་སོགས་ཨ་ཧྥེ་རི་ཁའི་རྒྱལ་ཁབ་ལ་རིམས་འགོག་ཐད་རོགས་སྐྱོར་བྱེད་བཞིན་ཡོད། ཀྲུང་གོ་སྲིད་གཞུང་དང་། ཁེ་ལས། ཕྱིར་སྡོད་རང་མི་སོགས་ཀྱིས་གཅིག་རྗེས་གཉིས་མཐུད་ངང་རོགས་སྐྱོར་བྱས་པ་དང་ཀྲུང་གོས་ད་དུང་ཚན་རྩལ་མཉམ་ལས་སོགས་བརྒྱུད་ཨ་ཧྥེ་རི་ཁར་རྒྱབ་སྐྱོར་བྱས་པར་སེམས་འགུལ་ཚད་མེད་ཐེབས་བྱུང་ཞེས་བརྗོད་པ་རེད།

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1